Suburbia espubliza "La Ponte y otros cuentos" de Miguel Rojo

Suburbia Ediciones ta acabnates d’asoleyar “La Ponte y otros cuentos” de Miguel Rojo, una antoloxía de relatos de Miguel Rojo. Nesti volume recuéyense los sos cuentos más conocíos, revisaos y correxíos pol autor a costafecha pa esta edición, hasta'l puntu de que munchos d'ellos tán cásique re-escritos. Xunto a estos, recupérense dalgunos relatos difíciles d'atopar actualmente y dellos cuentos inéditos. El llibru entama con un prólogu d'Antón García.

Miguel Rojo (Zarracín, Tinéu, 1957) ye una de los voces imprescindibles de la lliteratura del Surdimientu, la so obra abarca tolos xéneros. Ganador del Premiu Xosefa Xovellanos en 1989 con “Asina somos nós” o del Premiu de Narraciones Trabe con “Histories d’un seductor (memories d’un babayu)”, una de les obres más vendíes de la lliteratura asturiana y que llego a espublizase tamién en castellán.
 
Tamién algamó en 1996 el Premiu Fernán Coronas con “Buscador d’estreḷḷas”. El so cuentu “Xicu’l toperu” foi lleváu al cine en 1994 por Gonzalo Tapia, convirtiéndose nel primer curtiometraxe rodáu n’asturianu de la historia.