El Bloque pide-y al nuevu Arzobispu l'usu del asturianu

|

El voceru del Bloque por Asturies, Pablo Fernández, pidió-y al nuevu arzobispu, Jesús Sanz, l’usu con normalidá dientro de la ilesia de la llingua asturiana. Pa la organización l’usu del idioma del país dientro de la ilesia, pondría la institución eclesiástica “en sintonía cola realidá social”.

Amás, Pablo Fernández solicitó-y que nun siguiera l’exemplu del so antecesor, Carlos Osoro, que tuvo “una actitú hostil haza la llingua”. El voceru del Bloque recordó como Osoro refugó l’usu del asturianu en dalguna ocasión, mientres qu’en Valencia amosó’l so enfotu de deprender y utilizar el valencianu.
 
Pal Bloque, l’usu del asturianu dientro de la ilesia sería un avance asemeyáu al que se produxo dientro de la Universidá l’añu pasáu, cola aceptación de la llingua en comunicaciones escrites. El nuevu Arzobispu tomará posesión del so cargu’l 30 de xineru.

Contador Estadistiques