Miles de gallegos movilizáronse esta tarde en Compostela pola presencia del gallegu na educación

Miles de gallegos respondieron a la convocatoria de “Queremos Galego”, asociación qu’engloba a organizaciones y partíos políticos en defensa del idioma gallegu. L’asociación convocó esta tarde una concentración contra la derogación del decretu de la llingua nel enseñu, que güei entama la Xunta de Galicia, en manes del PP d'Alberto Núñez Feijóo, cola presentación del borrador del nuevu decretu. Una nueva norma que previsiblemente amenorgara la presencia del gallegu nel sistema educativu.

La protesta taba convocada énte’l Palaciu de Raxoi, na compostelana Plaza d'Obradoiro. Pero énte’l camudamientu del Conceyu de la Xunta de Raxoi a San Caetano, edificiu alministrativu de la Xunta de Galicia, p’asina nun coincidir cola concentración, los asistentes alcordaron manifestase hasta San Caetano.
 
Enantes d’entamar la marcha, el presidente de la Mesa pola Normalización Lingüística Carlos Callón, dixo que la manifestación yera en contra del mayor ataque a la llingua gallega de la democracia. Los convocantes anunciaron que’l próximu 21 de xineru habrá una fuelga d’estudiantes pola presencia del idioma de Rosalía nes aules.
 
Anuncien movilizaciones en Galicia pola situación de la llingua nel sistema educativu