El Coleutivu Ecoloxista denuncia nuevos vertíos na Ría d’Avilés

|

El Coleutivu Ecoloxista d’Avilés denunció énte’l Principáu y la Guardia Civil l'apaición de nueves manches d’hidrocarburos alcontraes na marxe drecha de la Ría d’Avilés. Los ecoloxistes esperen que’l Principáu recueya muestres p’analizales y asina castigar a los responsables.

Les manches tienen un anchor de cinco metros y un llargor de más 400 metros, dende’l muelle de San Agustín hasta los muelles d’Alcoa, coincidiendo cola fastera d’ampliación.
 
Los ecoloxistes dicen desconocer l’orixe d’esti episodiu de contaminación, “qu’afeuta de manera notable al procesu de recuperación de la Ría”. Dende’l Coleutivu esclarien que nun se pue consentir estos continuos episodios de contaminación “nun espaciu sometíu a un procesu de meyora ambiental con grandes inversiones públiques.

Contador Estadistiques