Los ecoloxistes refuguen una mina nel Monte de Cobayu en Ribeseya

 
La Coordinadora Ecoloxista d’Asturies vien de manifestar al Principáu d’Asturies la so posición al proyeutu d’investigación minera nel Monte de Cobayu en Ribeseya. Los ecoloxistes camienten que la mina taría averada a una zona habitada y a la Ría, espaciu protexíu.

El proyeutu d’investigación minera avalaría un aprovechamientu industrial de la caliza esistente nel Monte del Cobayu en Ribeseya,  pretendíu pola empresa Merybal Construcciones y Contratas. Los ecoloxistes recuerden que próximu al monte tal barriu de Cobayu, que se vería afeutáu polos impactos de la esplotación.
 
Amás, esto afeutaría a más de 10.000 metros cuadraos de suelos d’especial proteición, averaos al espaciu protexíu de la Ría de Tinamayor, zona d’especial proteición pa les aves.
 
La Coordinadora espera que’l Principáu atienda les sos suxerencies al trámite de consultes de viabilidá ambiental “d’esti disparatáu proyeutu d’industria estractiva nuna zona averada a una trama urbana”. Polo que piden que se refugue l’autorización pol so fuerte impactu ambiental.