Andalucía promoverá l'árabe como segunda llingua estraxera na ESO pa reforzará la integración d'alumnos inmigrantes

La Conseyería d'Educación de la Xunta d'Andalucía potenciará l'estudiu del árabe como segunda llingua estranxera en dalgunos Institutos d'Educación Secundaria de la comunidá pa facilitar la integración del alumnáu inmigrante, según recueye'l III Plan Integral pa la Inmigración n'Andalucía 2009-2013 (Pipia).

D'esta manera, tal como espeya'l borrador de dichu plan, al que tuvo accesu Europa Press, la Conseyería d'Educación contempla como midida formativa y d'atención a la diversidá cultural l'incrmentu del árabe como segunda llingua estranxera en determinaos Institutos d'Educación Secundaria, asina como la creación de dichu idioma en dalgunes Escueles Oficiales d'Idiomes, que nesti momentu nun lu tienen autorizáu o la inclusión de la materia 'Español pa estranxeros' nuna Escuela Oficial d'Idiomes tovía por determinar.

De la mesma manera, el III Pipia, que cuenta con un presupuestu de casi 2.500 millones d'euros a invertir hasta'l 2013 y consigna una partida Área Socioeducativa de 1.244 millones d'euros, prevé la puesta en marcha d'un programa pilotu d'escolarización mista destináu al alumnáu inmigrante o de colonies de residentes estranxeros de llingua non española.

De la mesma manera, contempla'l desarrollu de programes educativos conxuntos ente Andalucía y países d'orixe de la población inmigrante, midida na que s'inclúi la realización de campamentos d'inmersión llingüística d'alumnos de quintu y sestu cursos d'Educación primaria.
  
No que cinca al profesoráu que s'ocupa del alumnáu inmigrante, preténdese poner en marcha cursos específicos de formación en llingües estranxeres que favoreza la comunicación con esti alumnáu mediante la concesión de llicencies por estudiu nos países de procedencia del alumnáu inmigrante, como Marruecos o Rumanía ente otros.