El PNV diz que sólo'l 13,5 por cientu de los vascos siguió'l discursu del rei por cualquier cadena

El parlamentariu del PNV Íñigo Iturrate afirmó esti domingu que sólo'l 13,5 por cientu de los vascos siguió n'Euskadi'l mensaxe de Navidá del rei por cualquier cadena de televisión y qu'ETB, que lu tresmitió esti añu la primer vez, tuvo diez puntos menos de share que nel 2008 a la mesma ahora.

Iturrate refirióse d'esta manera a los datos ofrecíos de l'audiencia que siguió'l discursu del rei, Juan Carlos, n'ETB, qu'algamó un 24 por cientu del share demientres la emisión.

El parlamentariu del PNV denunció que se dio una "manipulación" de los datos y una "camaña de propaganda" sobre esta cuestión, dao que, anque'l 24 por cientu del share tuviéralu ETB a la hora de la emsión del mensaxe del rei, el siguimientu per parte de los vascos foi "mui baxu y probe".
  
"Lo que nun se dixo ye que sólo un 13,5 por cientu de los vascos siguieron el discursu del rei, por cualquier de les cadenes esa nueche, poro, al 86,5 por cientu de la polación nun-y interesó", añadió.
  
De la mesma manera, criticó que tampoco se dio a conocer otru datu que-yos "estropiaba esi cuadru deforme de la realidá", y ye'l fechu de que "l'añu pasáu a esa mesma hora'l share d'ETB foi del 35 por cientu, diez puntos más que'l d'esti añu".
  
"Lo que demuestra la direición d'EiTB ye una falta d'ambición importante porque yo nun pienso que se puea tar satisfechu y, muncho menos facer una campaña de propaganda como la que s'organizó, cuando se dieron unos índices tan baxos de siguimientu. Si esto ye un éxitu p'Alberto Surio -director xeneral d'EiTB-, nun quiero pensar lo que pue ser un fracasu", añadió.
  
Iturrate añadió que, a pesar de los "esfuezos del Gobiernu y la EiTB", el mapa y la realidá d'Euskadi "sigue siendo la mesma qu'hai unos meses".
  
"Esti país nun cambió, esti país sigue siendo mayoritariamente nacionalista por muncho que s'empeñen, y yo pieno qu'esta campaña de propaganda colos datos de siguimientu del discursu del rei ye eso, ye una más d'estes campañes de deformación de la realidá, de querer pintar un país qu'en realidá nun existe", indicó'l parlamentariu jeltzale, que reclamó "más ambición y trabayu por esti país".