El presidente de Greenpeace España permanecerá encarceláu en Dinamarca polo menos hasta'l 7 de xineru

El Tribunal Superior de Xusticia de Dinamarca refugó esti miércoles el recursu presentáu pola organización ecoloxista Greenpeace pidiendo la lliberación del so director n'España, Juan López Uralde, y d'otros trés activistes, de manera que los cuatro tarán en prisión polo menos hasta'l próximu 7 de xineru.

Según informaron fontes de Greenpeace a Europa Press, la organización pidiere la puesta en llibertá d'estes cuatro persones deteníes el pasáu 17 d'avientu demientres una protesta na cena de gala que se celebró en Copenhague con motivu del Conceyu de la ONU sobre Cambiu Climáticu.

El xuez decidió acabar los 21 díes de plazu máximu qu'en Dinamarca ta permitío retener a una persona, de manera qu'hasta'l próximu 6 de xineru nun se conocerá'l futuru de los cuatro activistes españoles.
 
La organización movilízase esti miércoles en doce ciudaes españoles pa presionar con concentraciones a les puertes de les embaxaes y sedes consulares de Dinamarca, según les mesmes fontes.