Tolos partíos catalanes refuguen una consulta oficial sobre la independencia

La mesa del Parlamentu catalán refugó ayeri col votu de tolos partíos, dende ERC al PP, el tramite de la iniciativa llexislativa popular (ILLP), pa celebrar un referendu sobre la independencia de Cataluña que tenga’l calter d’oficial. Según los partíos catalanes, la Generalitat nun tien competencies pa convocar una consulta oficial.

La iniciativa foi presentada polos miembros de la coordinadora de les consultes soberanistes del 13-A, que quieren convocar un nuevu referendu, ésti con calter oficial, el 25 d’abril. El vistu bonu de la mesa yera necesariu pa qu’entamara una recoyida de firmes que-y diera’l preste a la ILLP.