Israel ultima l'acuerdu de lliberación de presos que permitiría la torna de Shalit

|

Los principales ministros del Gobiernu israelí, conocíos como'l Foru de los Siete, aconceyaránse demientres tou esti llunes p'acabar un acuerdu de lliberación de presos palestinos que permita la entrega per parte de Hamas del soldáu de Gilad Shalit, reeteníu na Franxa de Gaza dende'l 2006.

La propuesta que paez cobrar fuerza ye la de lliberar a 950 milicianos y activistes de Hamas --de los 11.000 presos en cárceles israelís--, dalgunos d'ellos condenaos por ataques terroristes, pa llograr la lliberación de soldáu de 23 años, según fontes consultaes pol diariu 'Jerusalem Post'.

Culaquier plantegamientu deberá contar, amás, col apoyu de los 30 miembros del gabinete completu. Dempués, abriríase un plazu de 48 hores pa que los ciudadanos puean apellar ante la xusticia contra la lliberación de dalgunos de los reos incluyíos na llista.
  
La madre del mozu, Aviva, indicó a la prensa nes inmediaciones de la oficina del primer ministra, Benjamin Netanyahu, que s'espera l'acuerdu "nunes poques hores". "Nun lleverá muncho más", antemanó, sin entrar a criticar a los ministros que podríen oponese a un cuerdu d'intercambiu de presos con Hamas, que gobierna la Franxa de Gaza.
 
DÍA CLAVE
  
Pela so parte, el padre del soldáu, Noam Shalit, pronosticó que l'Executivu hebréu anunciará una decisión definitiva demientres esti martes. Tamién apuntó a esti día como posible xornada clave una fuente cercana a les negociaciones, consultada pola axencia Reuters, y que señaló que Tel Aviv yá entregó a última hora del llunes la so respuesta a un mediador alemán. Esti documentu tresmitiríase a Hamas a lo llargo del día.

Contador Estadistiques