Chávez ordena derribar aviones non tripulaos que violen l'espaciu aereu del so país

|

El presidente de Venezuela, Hugo Chávez, anunció esti domingu que dio orde al Exércitu de disparar contra los aviones non tripulaos que lleguen dende otros países dempués de la supuesta estrada d'un avión con tecnoloxía estoaunidense dende Colombia nos últimos díes.

Nel so programa selmanal 'Aló, presidente', Chávez volvió cargar contra los sos enemigos al citar unos fechos recientes y que demostraríen l'interés d'Estaos Uníos y Colombia n'atacar a Venezuela. Asina, esplicó que "un avión sin tripulante", penetró hasta la población de Fuente Mara, "que queda bien p'adientro".
 
"Desapaeció l'avión, pero toos lu vieron", denunció, definiendo l'aeronave como un tresporte con control remotu capaz hasta de "tirar bombes". "Eso ye la tecnoloxía que ta utilizando Colombia", denunció.
  
El mandatariu venezolanu informó de que l'Exércitu tien orde de nun permitir incursiones d'esti tipu y pidió a la comunidá internacional y que permaneza alerta ante les amenaces de les que ye víctima Venezuela. Al so xuicu, "les agresiones contra Venezuela tán incrementándose y los preparativos son evidentes nes fuerces militares de Colombia y los movimientos en (les iles de) Aruba y Curazao".
  
A ello añándese, según chávez, los movimientos de soldaos colombianos hacia la frontera, lo que lleva a tar "alerta, tranquilos pero alerta". Amás, criticó que fuerces estaounidenses tamién preparen "una agresión". "Créanme, señores burgueses de Colombia, que nosotros tamos preparaos y van arrepentise", alvirtió, en declaraciones recoyíes polos medios llocales.

Contador Estadistiques