El Garrapiellu presenta un cartafueyos sobre la travesía andariega ente Xixón y Cuadonga

La Tertulia Cultural El Garrapiellu presentó estos díes el cartafueyu “Travesía andariega de Xixón a Cuadonga”, fechos col envís de dar a conocer esta ruta. D’esta publicación fizose una tirada de dos mil quinientos exemplares y hai l’enfotu de facer más pal añu qu’entra.

Nel cartafueyu hai un mapa onde se señalen los finxos más importantes de la ruta, como ye’l Güeyu (onde naz el ríu Peñafrancia), na xixonesa parroquia de Deva, o los horros del conocíu pueblu maliayu de Sietes. Hai tamién, nesti cartafueyu, una llista de pueblos cola desplicación de qu’edificios y llugares puen vese, amás d’onde tan esos chigres que mos van facer esfrutar cola gastronomía del país.
 
Esta publicación, El Garrapiellu quier distribuyila peles Oficines de Turismu y establecimientos hosteleros de los conceyos pelos que pasa esti camín. Asina taría a alcance nun solo d’asturianos sinon de xente foriata. Esti cartafueyu ta fechu col sofitu de la Conseyería de Cultura y Turismu del Principáu d’Asturies.
 
Magar l’añu 1993, esti camín ta señalizau coles garrapielles (fleches marielles y un trisquel, símbolu solar celta), d’esti mou El Garrapiellu quier que la xente lu faiga ensin perdese, amás de dir per llugares onde poder esfrutar de paisaxes de plasmu. Según cálculos d’El Garrapiellu son al rodiu quince mil, les persones que faen los setenta kilómetros que tien esta travesía.