La TPA emite la Gala de la Música Asturiana dende Mieres

La TPA emitirá mañana domingu allanzáu, a partir de les 21.30 hores, la Gala de la Música Asturiana dende l’Auditoriu Teodoro Cuesta de Mieres. Na mesma, la canal pública aprovechará pa entregar los Premios de la Crítica RPA 2009 a les diez meyores producciones asturianes del añu. La gala, na qu’actuarán tolos premiaos, tará presentada pola periodista Sonia Fidalgo y el cantante Fernando Valle Roso.

Los premiaos d’esta edición son el grupu revelación, Take the rest; el meyor discu d’autor, “Diez canciones de Bob Dylan n’asturianu” de Toli Morilla; el meyor discu de canción asturiana, “Al pie del Cuera” de Celestino Rozada; el meyor discu de música popular, “Montes cantábricos” de Vicente Díaz; el meyor discu folk, “Tierra” de Xera; el meyor compositor, Michael Lee Wolfe por “Xotes asturianes”; el premiu a la trayectoria entrégase al Grupu Baille Vezos Astures; la meyor voz del añu ye la de José Manuel Collado, en Teiros; el meyor discu del añu será pa “El sonar de les semeyes” de Mapi Quintana y el premiu al meyor grupu será pa EntreQuattre.