La Xunta camienta qu’un referendu sobre l’autonomía lleonesa ye illegal

El Conseyeru de Presidencia y portavoz de la Xunta de Castiella y Lleón, el popular José Antonio de Santiago-Juárez, dixo ayeri que la convocatoria d’un posible referendu sobre l’autonomía de Lleón yera “illegal” y que namás l’Estáu podía facelo. Amás, esclarió que na reforma del Estatutu castellán-lleonés protéxose’l territoriu de la comunidá, anque “referíu al condáu de Treviño”.

De Santiago-Juárez criticó tamién l’actitú del alcalde socialista, Francisco Fernández, qu’afitó’l so “sí” ente un posible referendu onde s’entrugara a la población pola dixebra de Lleón y Castiella. El portavoz de la Xunta pidió-y al secretariu xeneral del PSOE-CYL, Óscar López, que respondiera a la “barbaridá” del alcalde.