UPL estudia facer un referendu sobre l’autonomía de Lleón
|
17 Avientu, 2009 por Damián Barreiro
- Inicie sesión o rexístrese pa espublizar comentarios
El partíu rexonalista Unión del Pueblo Leonés (UPL) ta estudiando la posibilidá d’un referendu nun vinculante sobre l’autonomía lleonesa (Lleón, Zamora y Salamanca). Los rexonalistes tomen como base les consultes sobre la independencia realizaes en Cataluña’l pasáu fin de selmana.
La UPL, partíu que sofita a los socialistes nel gobiernu de la capital lleonesa, quier asina entruga-y a los ciudadanos del sur del Cordal si quieren l’autonomía y el frayamientu del actual marcu autonómicu castellán-lleonés.
Según dio a conocer esta selmana’l presidente de la formación y vicealcalde de Lleón, Javier Chamoro, tanto la direición como les bases del so partíu sofiten la iniciativa. Sicasí, la midida ta n’estudiu pola so complexida y los voluntarios necesarios pa poder desendolcar una consulta popular d’esi calter.
Efrén d'Andrés
Lo + visto de la selmana
Comentarios
Pues yo tamién quiero referendum equí, ¿y sabeis por qué?, pues pa lo que nos val l'autonomía, que nin nos da oficialidá, nin trabayu, y nos quier llenar el país de coses fees, eólicos, regasificadores, térmiques, campos de golf... pues que pa eso prefiero que nos gobierne directamente Madrid, como anantes, y aforrámonos una pasta gansa en cargos, coches y despachos, que pa lo que valen, pues eso, pues que nos gobierne Madrid. Una autonomía nestes circunstancies ye superflua dafechu.
Gabis