El PP d'Asturies destaca la "sensatez" del so partíu na Conferencia de Presidentes y IU considera la cita una deceición

|

El presidente del PP d'Asturies, Ovidio Sánchez, refirióse güei a la Conferencia de Presidentes celebrada ayeri, y negó que'l PP realizare bloquéu dalgún. Pel contrario, destacó la "sensatez, rigor y respetu" de la so formaicón, sobre too hacia los más de cuatro millones de paraos qu'hai n'España, frente a la "irresposnabilidá" del presidente del Gobiernu, José Luis Rodríguez Zapatero, que quería aprobar un documentu sobre l'emplegu "que presentó a media tarde". Pela so parte, el coordinador xeneral d'Izquierda Xunida-Bloque por Asturies-Verdes, Jesús Iglesias, calificó la Conferencia de Presidentes celebrada ayeri como una "deceición completa" y una "oportunidá perdida más nun momentu difícil".

El cabezaleru del PP criticó asina la improvisación del Executivu nuna materia tan importante. "Un documentu relativu al emplegu nun pue desapachase en media hora nin con un titular de prensa", sorrayó Ovidio Sánchez, al traviés d'unes declaraciones distribuyíes pol so partíu, y esplicó que la posición que caltuvo'l PP yera que nun se podía aldericar un documentu d'eses característiques sin estudialu "en fondura".

Nesti sen, y como prueba pa demostrar la bona fe del so partíu, el dirixente popular asturianu señaló qu'otros asuntos como los relativos a la violencia de xéneru o la etapa de presidencia d'España na UE, salieron alantre sin problemes, tres estudialos con procuru.
  
Sánchez tamién criticó'l formatu de la Conferencia de Presidentes en llinies xenerales y señaló que n'España nun entamaron bien porque nun se trataben temes importantes, y porque quedaben simplificaes a una semeya col presidente del Gobiernu y col rei.
  
"N'otros países estos conceyos sin la presencia del Gobiernu central, lo que favorez una mayor llibertá pa llegar a acuerdos y una mayor sinceridá nel plantegamientu de los problemes", caltuvo.
 
DECEICIÓN D'IU
    
Pela so parte, el coordinador xeneral d'IU d'Asturies y voceru parlamentariu d'IU-BA-Verdes, Jesús Iglesias, calificó la Conferencia de "deceición dafechu" y una "oportunidá perdida más nun momentu difícil".
  
Iglesias, al traviés d'unes declaraciones espardíes pola so formación política, señaló que la falta d'acuerdu valió pa demostrar que la engarradiella ente PP y PSOE nin siquier permite que s'estableza un marcu mínimu d'alternatives pa facer frente a la crisis.
  
De toes fomres, esplicó que lo que'l Gobiernu punxo sobre la mesa, precisamente pa buscar l'apoyu de los populares, yera un documentu que tampoco suponía una reorientación de les polítiques pa salir de la crisis dende la busca del apoyu y la solidaridá colos que más tán sufriendo les consecuencies

Contador Estadistiques