Los sindicatos d'educación convoquen una concentración-cencerrada contra la Llei d'Evaluación

Los sindicatos CSIF, FE-CCOO y Suatea convoquen pal miércoles 16 d’avientu a les 18 hores, una concentración-cencerrada énte la Xunta Xeneral pol trámite parlamentariu de la nomada llei d’Evaluación y les sos Incentivos. Baxo’l llema “Pola calidá de la educación asturiana” los sindicatos denuncien que la llei pretende afitar una discriminación perpetua ente los docentes.

Na convocatoria, que va repetise’l 21 d’avientu nel mesmu llugar y a la mesma hora, los convocantes proponen que’l profesoráu asista con cencerros, cacíos o sartenes cola sida de llamar l’atención de xeitu ruidosu sobre un tema “que lleva cuasi tres años xenerando problemes y malestar”.
 
Pa los sindicatos la única finalidá d’esta llei ye llegalizar unos pagos, “qu’unos reciben y otros non”, pagos que foron anulaos pola xusticia, esclarien. Llei, que pa los convocantes vincula’l cobru a la superación d’una evaluación “desconocida y penalizadora”  
 
Del mesmu mou, los sindicatos faen un llamáu a los parlamentarios pa qu’impidan que la Xunta Xeneral respalde una llei que “ye un monstruu tanto dende’l puntu de vista éticu (adhesión a ciegues ensin saber qué te van pidir, desigualdá salarial…) como xurídicu (referencia na propia Llei a Resoluciones anulaes pol TSXA…).