L'Audiencia Nacional xulgará a cinco cargos del diariu Egunkaria, pese a nun existir acusación del Ministeriu Públicu

La Estaya Primera de la Sala de lo Penal de l'Audiencia Nacional entamará a xulgar esti martes a los cinco procesaos na causa abierta contra'l diariu Egunakaria, por un supuestu delitu d'integración terrorista, acusación caltenida por Dignidad y Justicia y l'Asociación de Víctimas del Terrorismo, pero non pol Ministeriu Fiscal, que se retiró del procesu. El periódicu quedó zarráu nel 2003 por orde del xuez Juan del Olmo.

La Fiscalía solicitare l'archivu de la causa y sólo a instancies de les acusaciones populares, exercíes por Dignidad y Justicia, que soliciten ente 12 y 14 años de cárcel pa caún de los acusaos, y l'Asociación de Víctimas del Terrorismo, que pide 15 años de prisión por pertenencia a organización terrorista.

El pasáu 30 de xunetu, la Sala de lo Penal refugó archivar la causa al considerar bastante pa continuar col procesu l'acusación popular. Amás, aceptó los argumentos de la defensa pa sacar de la mesma a los hasta esi momentu acusaos Xabier Alegría Loinaz y Pedro Zubiria Camino, al estimar al so favor la esceición de cosa xulgada y la prescirpción del delitu, respectivamente.
  
Nel bancu de los acusaos sentaránse Iñaki Uria Manterola, Juan Maria Torrealday Navez, José María Auzmendia Larrarte, Xabier Oleaga Arondo y Martxelo Otamendi Egiguren, últimu director de la publicación.
  
La representación procesal d'Egunkaria presentó ante'l tribunal un recursu nel qu'apellaba a la improcedencia d'abrir xuiciu oral cola única aición de l'acusación popular, exercida nesta causa por Dignidad y Justicia (DyJ) y l'Asociación de Víctimas del Terrorismo (AVT).
  
Pa decidir esti asuntu, celebróse una vista'l pasáu 23 de xunu de l'Audiencia Nacional na que'l Ministeriu Públicu apoyó les prestenciones de los procesaos en cuanto a solicitar l'archivu definitivu de la causa a la escontra de la postura de les dos asociaciones de víctimes. A lo último, la Sala acordó que la causa siguiere alantre, anque sin Zubiria nin Alegría.
  
El periódicu zarróse en febreru del 2003 por orde del xuez de l'Audiencia Naiconal Juan del Olmo, al considerar qu'ETA intervino "na creación, desginación de directivos y dinamización del diariu". Pal maxistráu, l'oxetivu del diariu yera facilitar l'amparu y espardimientu "con apoyu del idioma euskera como cobertoria cultural pa ello, del ideariu  terrorista y de los valores y intereses espardíos por organización terrorista".
  
Según l'escritu de la calificón de DyJ, l'actual procesu pretende "demostrar la intervención d'ETA na financiación del rotativu, al traviés de les empreses mercantiles rellacionaes y la instrumentalización per parte d'ETA del diariu 'Euskaldunon' al traviés de la mercantil Egunkaria S.A.".