Los vecinos de Xibares denuncien que la cantera y la cementera d'Aboño incumplen el plan de recuperación ambiental
|
13 Avientu, 2009 por Damián Barreiro
- Inicie sesión o rexístrese pa espublizar comentarios
L’Asociación de Vecinos de Xibares “El Tranqueru” presentó denuncia énte la Conseyería de Mediu Ambiente pol incumplimientu del plan de recuperación ambiental de la cantera de Sato y de la Cementera de Tudela Veguín, les dos n’Aboño. En nome de l'AAVV Javier Rubio Melgar, solicita a la Conseyería que tome les midíes oportunes.
Según “El Tranqueru”, los responsables de la cantera y la cementera nun llevaron a cabu la plantación de vexetación que diba dir al empar del avance de la esplotación según se recoyía na Declaración d’Impactu Ambiental. Del mesmu mou que los taludes diben quedar escondíos por pantalles vexetales, utilizando especies del país.
L’asociación pide a la Conseyería, como órganu de control y vixilancia, que tome les midíes pa la integración de les instalaciones nel entornu y llegue a un alcuerdu pa minimizar los impactos nel paisaxe. Amás, señalen, tamién se tien que tener en cuenta otros parámetros como’l ruíu, contaminación… “que los ciudadanos nun puen denunciar yá que carecemos de los medios técnicos precisos pa fundamentalos”, señalen.
Efrén d'Andrés
Comentarios
¡Pa que van facelo si van cargase tol conceyu!, ¡y Asturies entera!, col Muselón y el so puertu gochu, la regasificadora y agora'l vertederu de CO2 col que nos acaba de catalogar el gobiernu de Zapatero, tola Asturies central, parte de la occidental (Tineu y Miranda tamien entren) y la so plataforma continental son ya oficialmente el basurero del CO2 por si nun lo sabiaís, y tamien de los gases que vendrán con él sacaos de les térmiques, van inyectase baxu tierra, tamien baxu'l mar, unu de los llugares más afayaizos ye según ellos la costa de Llanes, y van traese en tuberíes que xunto a les llinies d'alta tensión dexarán un panorama mediuambiental que al nuesu llau Chernobil podría llamase "reserva de la biosfera".