El fríu siberianu llega'l domingu con nieve y descensu de temperatures nel Cantábricu y otres comunides

|

Un temporal de fríu siberianu llegará esti domingu a España y prollongaráse hasta'l martes, dexando precipitaciones en forma de nieve de magar los 200 metros nes rexones del cantábricu y de los 600 metros en zones del sureste peninsular y Levante, amás d'un descensu xeneralizáu de les temperatures, según esplicó a Europa Press el voceru de l'Axencia Estatal de Meteoroloxía (Aemete), Ángel Rivera.

Nesti sen, les comunidaes d'Asturies, País Vascu, Cantabria, Barcelona, Tarragona, Norte de Burgos y de Palencia'l domingu tarán n'alerta amariella por riesgu de nevaes. Pela so parte, Navarra y Aragón tamién tendrán riesgu, pero por temperatures mui baxes, qu'algamarán los menos ocho graos centígrados y la costa gallega sufrirá fuertes foles demientres el domingu.

"Formaráse una borrasca mui activa y fondera que dará llugar a qu'entre fríu del noreste, un aire mui fríu, procedente de Rusia y Centroeuropa, y vientu en zones marítimes del Mediterraneu. Amás, conllevará un descensu xeneralizáu de temperatures en tola península y una sensación térmica de fríu mui intensa", apuntó.
 
Asina, el sábadu será un "día de transición" y será'l domingo cuando se prodza un cambiu significativu na situación meteorolóxica, que llevará asociada una entrada d'aire mui fríu pel nordeste pensinular, y que se dirá intensificando y estendiendo al restu de la Península nos díes siguientes.
  
Demientres el domingu y el llunes será probable que se rexistren vientos fuertes y mui fuertes de componente norte nel Mediterraneu occidental provocando árees de temporal na mar y acentuando la sensación térmica de fríu qu'acompañará a los españoles demientres los próximos díes. Al final del martes cesará'l vientu, pero produciránse xelaes xeneralizes, que serán moderaes n'árees de la metá nortes y puntos de la meseta sur.
  
En cuanto a la baxada de temperatures xeneralizada asitiaráse ente los 6 y 7 graos y en Madrid, por exemplu, la madrugada del martes, los termómetros marcarán menos trés o cuatro graos.
 

Contador Estadistiques