Duerna espubliza la so primer maqueta; “Dende’l chigre”

El grupu Duerna, procedente de la Cuenca del Nalón, ta acabante de sacar la so primer maqueta titulada “Dende’l chigre”. La maqueta grabóse a lo llargo la seronda nos estudios Luna Music de Llugo de Llanera. Ta compuesta de cuatro temes, instrumentales y cantaos, nos que se puen sentir tanto composiciones propies como igües de pieces tradicionales.

Duerna ñació a finales del pasáu añu 2008, con una formación na que l’armónica y les composiciones propies garren especial importancia. El so repertoriu ta basáu en pieces pa baillar (muñeires, tangos, llixeros, sones d’arriba, rumbes, xotes...etc). El grupu ta formáu por Pedrín, guitarra, armóniques y voz, Fani, percusiones y voz, Andrés, percusiones y voz, y Pablo Carrera a la gaita.
 
Nel myspace del grupu pue vese un videu promocional y sentir dalgún tema.