La RAG camuda’l so diccionariu pa respetar al colectivu gai

La Real Academia Galega y la Confederación Española de Lesbianes, Gais, Bisexuales y Transexuales “Colegas”, algamaron un alcuerdu pa camudar cinco definiciones na futura reedición del diccionariu de la institución, cola sida de facelu respetuosu col colectivu gai. Del mesmu mou, Colegas va-y pidir a la Real Academia Española de la Lengua que siga’l mesmu camín que la institución gallega.

Los camudamientos del diccionariu gallegu contemplen les definiciones d'homosexual, homosexualidá, matrimoniu, pederasta y pederastia, que na edición de 1997 incluyíen referencies peyoratives pal coleutivu gai. Asina, falábase del pederasta como l'home que mantien rellaciones homosexuales con neños o “por estensión” homosexual masculín. La RAG cuenta espublizar el nuevu diccionariu n’abril o mayu del añu viniente y ampliara’l so conteníu hasta duplicar les 30.000 entraes d’agora.
 
Anguaño, la RAE fala del matrimoniu como la unión d’un home y una muyer, mientres que define un bisexual como un hermafrodita o asocia pederasta namás qu col xéneru masculín. Del mesmu mou, l’Asociación pola Recuperación de la Memoria Histórica entamaba esta selmana una campaña pa que la RAE camudara la definición del términu franquismu, definíu anguaño como “tendencia totalitaria”.