El presidente d'Asturies, Vicente Álvarez Areces, reconoció güei qu'hai problemes de "incomprensión" en Lleón, ante la llinia d'evacuación enerxética Lada-Velilla, anque señaló que'l proyectu siguirá alantre tal y como se pactó col Gobiernu de Castiella y Lleón, col Ministeriu d'Industria y con Rede Elétrica.

Areces realizó estes manifestaciones a los periodistes, demientres l'actu d'inauguración de carretera SE-1, Santaya-llende con Galicia.

El xefe del Executivu asturianu señaló que les voces discordantes de Lleón "nun tienen razón", y recordó qu'esti asuntu lleva aldericándose dende hai 24 años. "Nun quieren que se faiga pero dempués tol mundu quier enerxía nes sos empreses y nes sos cases", apuntó.
  
Sobre la evacuación d'enerxía, Areces esplicó que lo qu'existe nesti momentu n'Asturies ye un modelu enerxéticu que nucleó sobre la planta de regasificación que se ta construyendo, a los ciclos combianos que van ser menos contaminantes que les vieyes térmiques y a les renovables. "Esta neerxía nun ye p'Asturies ye pa España y  esti país necesita seguridá enerxética y pa qu'eso seya una rede, ye necesario pasar per dalgún llugar, como les carreteres", añadió.