El PP d'Aragón recueye más de 35.000 firmes pa la so campaña 'Non a la imposición del catalán'

La presidenta del Partíu Popular (PP) n'Aragón, Luisa Fernanda Rudi, avanzó güei que recoyeron más de 35.000 firmes dende qu'hai unes selmanes entamaron la campaña 'Non a la imposición del catalán'. En Zaragoza capital algamaron 15.000, igual cifra que na provincia, mientres qu'en Teruel algamaron les 4.000 y n'Uesca dalgo menos.

Rudi relató güei que "tuvimos una estupenda acoyida" y quixo sorrayar que demientres estos díes detectaron una "gran desconocencia de los ciudanos" qu'atribuyó a les "prieses" del PSOE por abrir y pesllar el trámite d'esta Prosposición de Llei que presentó'l grupu parlamentariu socialista nes Cortes d'Aragón.

En declaraciones a los medios de comunicación, calcó en qu'esta priesa "supunxo que nun llegue la información al conxuntu de la ciudadanía y al so paecer trátase de "una mala práctia democrática".
 
Rudi precisó qu'esta campaña "nun ye contra'l catalán, sinón una defensa del usu de les modalidaes llingüístiques propies" que se falen n'Aragón.
  
Al respeuto, informó de que'l PP reciba "munchísimos escritos y incorporaciones" d'espertos llingüistes de toa España, "nos que mos dicen que llevamos razón", porque pa protexer les modalidaes llingüístiques "lo último qu'había que facer ye lo que va facer el PSOE y el Gobiernu d'Aragón cola normalización del catalán o lo que denominen aragonés", al argumentar que "acabará por desapaecer lo que demientres sieglos vinieron falando lo habitantes dende'l Pirinéu hasta la Matarraña".
  
La presidenta del PP d'Aragón tamién se refirió a la ponencia de les Cortes d'Aragón qu'estudia esta proposición de Llei d'Usu, Proteición y Promoción de les Llingües Propies d'Aragón pa esplicar que "lo vemos con gran preocupación porque les apotaciones non sólo nun meyorarán, sinon qu'endurecerán más les condiciones d'imposición y normalización del catalán".
  
Amás, añadió Rudi, "confirmaráse los nuesos miembros del incrementu brutal del gastu públicu que supondrá", al apuntar que se baraxa crear un Conseyu Asesor, xunto con dos academies de la llingua.