La Llei de Llingües d'Aragón propón una nueva academia pal aragonés y otra pal catalán

El proyectu de Llei de Llingües d’Aragón incluirá la creación de dos instituciones llingüístiques dixebraes, una pal aragonés y otra pal catalán. Asina lo alcordaron PSOE y Chunta Aragonesista. El PP y el Partido Aragonesista, sociu de gobiernu de los socialistes, quieren una autoridá normativa con potestá pa les dos llingües. Mientres qu’IU propón una única academia pal aragonés, yá que camienta que la única entidá que tien que normativizar el catalán ye l’Institutut d’Estudis Catalans.

Nin l’Academia de l’Aragonés, cuyu presidente entrevistó esta selmana Asturies.com, nin l’Institut catalán tendrá autoridá sobre la normativización de los idiomes de la comunidá. El proyeutu de Llei de Llingües será previsiblemente aprobáu’l 17 d’avientu colos votos del PSOE y CHA, anque los nacionalistes consideren curtia la protección de les llingües propies. Mientres que’l PP y PAR votarán en contra yá que llei reconoz que se fala catalán na fastera oriental d’Aragón. Por otru llau, IU votara tamién a la contra del testu yá que camienta que nun ye abondo.
 
La llei, reconoz la esistencia del aragonés y el catalán y ufre la posibilidá de rellacionase cola alministración en cualesquiera d’estes llingües, anque namás nos territorios onde se falan y Zaragoza y les otres capitales provinciales nun tán nestes zones. El testu tamién prevé la entrada de les llingües na educación, pero nun establez la cooficialidá col castellán.