La lletra 'eñe' pue usase dende güei nos dominios d'Internet europeos 'eu'

La lletra 'eñe', la ce con cedilla (ç), les tildes o les diéresis puen usase dende güei pa rexistrar nomes de sitios web de dominiu '.eu', asina como'l restu de los caracteres de les 23 llingües oficiales de la Unión Europea, incluyíos los griegos y cirílicos, según anunció la Comisión.

"Los nomes de dominiu internacionalizaos dientro de .eu, el nuesu dominiu européu de primer nivel, constitúin un gran pasu hacia un Internet que seya verdaderamente global, pero al mesmu tiempu llocal. Munchos usuarios d'Internet proceden de países onde les llignües nun se basen nel alfabetu llatín 'a-z', y llóxicamente, desearán usar los sos propios alfabetos", dixo la comisaria de Sociedá de la Información, Viviane Reding, nun comunicáu.
"El llanzamientu de los nomes de dominiu internacionales dientro de .eu responderá tovía meyor a les necesidaes d'una Europa multillingüe y multicultural", destacó.
  
Hasta agora, los nomes rexistraos baxo'l dominiu '.eu', sólo podíen constar de los caracteres de la 'a' a la 'zeta', de los díxitos del 0 al 9, y del singnu -. Ello suponía, por exemplu, que los checos sólo podíen uar 24 de 42 caracteres y los lituanos, 23 de 32.
  
Tres la normativa aprobada pola Comisión el pasáu xunu, de magar esti xueves será posible rexistrar en .eu nomes con caractres como la 'a', la 'a' con diéresis, la 'a' con cedilla (del alfabetu en polacu) o les representaciones en griegu de 'psi' o 'penta'. Los ciudadanos, empreses y organizaciones de la UE podrán rexistrar nomes de dominiu n'alfabetos non llatinos, factor esencial en llingües como'l griegu o'l búlgaru. De la mesma manera, "los que falen español podrán rexistrar nomes cola lletra 'eñe' y los falantes del francés, el portugués y el catalán podrán utilizar la 'ç'", destacó l'Executivu comunitariu.
  
El númeru de nomes de dominiu '.eu' rexistraos supera los trés millones. Tornó nel cuartu dominiu territorial de primer nivel más popular d'Europa, tres los d'Alemaña (.de), el Reiun Uníu (.uk) y los Países Baxos (.nl). Ye'l novenu dominiu más usáu de tol mundu. Los países con más dominios rexistraos son Alemaña, Países Baxos, Reinu Uníu y Francia. N'España, hai 71.529 nomes d'esti dominiu rexistraos.