Haidar diz que lo que más desea ye volver a casa y vivir cola so familia "pero con dignidá"

L'activista saharaui Aminetu Haidar pidió "al mundu y especialmente a les madres" qu'apoyen la so reivindicación de volver al Sahara Occidental y esplicó que desea "abrazar" a los sos fíos y "vivir con ellos" y cola so madre, "pero con dignidá".

"Deseo abrazar a los mios fíos, deseo vivir con ellos y cola mio madre, pero con dignidá", aseguró Haidar nuna carta abierta escrita en primer persona a la sociedá española con motivu del Día Internacional de los derechos Humanos, que se celebra güei, y que se distribuyó pola Plataforma de solidaridá con Aminetu Haidar.

Amás, comento que "ye un bon día pa la esperanza", y dixo "agradecer a la sociedá española la so solidaridá y la so defensa continua de los derechos llexítimos del pueblu saharui". "Y tamién, la so solidaridá conmigo, nestos duros momentos", añadió Haidar.
 
"Nestos momentos, nos que se conmemora un día sagráu pa la Humanidá, un día d'ideales y de principos que garanticen los derechos básicos; yo, que soi defensora de Derechos Humanos, toi en fuelga de fame dende hai 25 díes por mor de la inxusticia y de la falta de respetu a los Derechos Humanos", esplicó.
  
De la mesma  manera, remarcó la so "espulsión illegal" poles autoridaes marroquís, "dempués de ser retenida illegalmente nel aeropuertu de Lanzarote pol Gobiernu espaol y de ser separada" de los sos fíos contra la so voluntá.
  
Poro, comentó que siente "más que nunca'l dolor de les families saharuis separaes dende hai más de 35 años por una muria de más de 2.600 kilómetros". "Güei, como cada día, sufro pensnado nos mios compañeros encarcelaos, sufro pensando nos siete activistes de Derechos Humanos que, por decisión arbitraria del gobiernu marroquí, van comaprecer ante un tribunal militar, y son amenazaos cola pena de muerte. Pienso tamién na poblaicón saharaui, oprimida y reprimida diariamente pola policía moarroquí nel Sahara occidental. Y pienso nel so futuru", relató.