Montilla diz que tien "poco qu'oxetar" énte les consultes sobre la independencia catalana si se respeten les lleis

|

El presidente de la Generalitat, José Montilla, dixo esti xueves que tien poco que "oxetar" sobre les consultes sobre la independencia que se celebrarán el próximu domingu en 161 poblaciones catalanes, si se realicen nel marcu del respetu a les lleis, anque recordó que tán organizaes por entidaes privaes y qu'en nengún casu se trata d'un referendu.

"Un referendu ye una convocatoria que se fai d'acordies a una normativa llegal, y que tien unes garantíes que nun tienen les consultes, onde los que convoquen, los que faen la campaña y los que la organicen son prácticamente les mesmes persones", señaló, nuna entrevista a Radio Teletaxi recoyida por Europa Press.

Montilla señaló pa diferencialo de les consultes, qu'un referendu tien unes consecuencies xurídiques y polítiques que les consultes que se fairán esti próximu domingu "por supuesto" nun tienen, añadió.
  
Sobre la intención de promover una consulta sobe la independencia na capital catalana, per parte de la plataforma 'Barcelona decideix', recordó que la que la orgnaiza nun son los conceyos, sinón asociaciones privaes.
  
En respuesta a si'l próximu llunes analizaría los resultaos surdíos nes consultes, apuntó qu'esi día dirá a Madrid p'asistir a un conceyu colos presidentes de les Comunidaes Autónomes, y col presidente del Gobiernu, José Luis Rodríguez Zapatero, anque dixo "por supuesto que lleo la prensa toles mañanes y taré informáu d'esto (les consultes) y de tolo que pase".
 

Contador Estadistiques