El Gobiernu diz que nun amenorgará "nin un milímetru" el so empeñu d'introducir les llingües cooficiales na Eurocámara

El Gobiernu nun parará "nin un milímetru" nel so empeñu d'algamar que los eurodiputaos españoles puean falar en dalguna de les llingües cooficiales nel Parlamentu Européu, según garantizó güei'l secretariu d'Estáu pa la UE, Diego López Garrido.

Na so declración ante la Comisión Mista Congresu Senáu pa la UE, recordó sicasí qu'esa decisión nun compete al Executivu español, sinón a la Mesa de la Eurocámara, que na llexislatura pasada refugó esa posibilidá por un solu votu de diferencia y onde resultó decisiva la oposición del popular Alejo Vidal Quadras.

Dende que los socialistes llegaron al Gobiernu nel 2004, España peslló acuerdos con toles instituciones de la UE pa permitir a los ciudadanos dirixise a elles en dalguna de les llingües cooficiales distintes al castellán y recibir la so respuesta nesa mesma llinia, sorrayó López Garrido.
  
Los gastos de traducción que xenera l'exerciciu d'esti derechu, recordó, "recayeron" nel Executivu español, que tien "mui claro" que n'España les lllingües cooficiales tienen nes comunidaes autónomes en que lo son "el mesmu estatus que'l castellán", polo qu'esa realidá "debería treslladase" a la UE.
  
Los gastos de traducción que xenera l'exerciciu d'esti derechu, recordó, "recayeron" nel Executivu español, que tien "mui claro" que n'España les llingües que son cooficiales tienen nes Comunidaes Autónomes en que lo son "el mesmu estatuts que'l castellán", polo qu'esa realidá "debería treslladase" a la UE.
  
Los ciudadanos yá puen dirixse al Conseyu, la Comisión, el Parlamentu, el Tribunal de Xusticia de la UE, el Comité de les Rexones, el Comité Económicu y Social y el Defensor del Pueblu en cualquiera de les llingües cooficiales n'España y recibir respuesta nesa mesma llingua, gracies a los acuerdos que fueron soscribiendo'l Gobiernu dende los años 2005.
  
Nel casu del Conseyu del Comité de les Rexones, tamién ye posible que los representantes de CC.AA con llingua  propia puean usala en conceyos d'estos organismos siempre que lo solicitaren previamente.
  
L'Executivu centra agora los sos esfuerzos en "convencer" a los distintos grupos políticos de la Eurocámara, tamién el Grupu Popular, de la importancia de permitir l'usu de les llingües cooficiales n'España nos debates del Parlamentu Européu, indicó López Garrido.
  
El secretariu d'Estáu precisó que'l Gobiernu calcó nel so interés na materia na visita que la selmana pasada realizaron a España'l presidente de la Eurocámra, Jerzy Buzek, y los presidentes de los distintos grupos.
  
La vocera del PP na Comisión Mista pa la UE, Soledad Becerril, consideró "correcta" la situación actual de les llingües cooficiales na Unión porque, na so opinión, "nun fai tovía más complexu'l funcionamientu de la UE", y sí permite en cambio a les CC.AA dirixise a les instituciones europees.
  
El representante de la Entesa Joan Sabaté (PSC) pidió al Gobiernu que "caltenga y redoble" los esfuerzos pa permitir que los eurodiputaos puean falar na Eurocámara nes llingües cooficiales.