La Coordinadora Ecoloxista denuncia al Conceyu de Xixón por entamar les obres de la regasificadora ensin llicencia

La Coordinadora Ecoloxista d’Asturies vien de denunciar énte la Disciplina Urbanística de la Conseyería de Mediu Ambiente del Principáu, la “dexación de funciones” del Conceyu de Xixón que nun para les obres del Musel, entamaes ensin llicencia.

Los ecoloxistes recuerden que si nun se paralicen tán “renunciando dafechu al cumplimientu del marcu llegal qu’obliga a que toa obra realizada por una empresa privada precisa previamente de llicencia municipal”.
 
La Coordinadora recuerda que’l pasáu 30 de payares comprobaron que se taben executando les obres nel solar cedíu a Enagas pa la regasificadora, realizando les obres ensin llicencia. Polo que pidieron la paralización de les mesmes. Sicasí, tanto Conceyu como Autoridá Portuaria siguieron con normalidá.
 
Pa los ecoloxistes ye evidente que les obres, sían o non nel subsuelu, precisen llicencia d’alcuerdu col marcu llegal vixente nel Principáu, a pesar de les pallabres de l’Alcaldesa, que declaró a los medios que les obres nun precisaben llicencia por realizase nel subsuelu.