CCOO y UXT de Lleón amuesen la so refuga a la llinia Lada-Velilla

La Coordinadora Ecoloxista d’Asturies vien d’amosar la so gayola depués de que los sindicatos UXT y CCOO de Lleón amosaren la so oposición frontal a la llinia d’alta tensión ente Lada en Llangréu y Velilla en Palencia, ya que n’Asturies los mesmos sindicatos sofiten la llinia.

Pa los ecoloxistes les dos centrales sindicales comparten l’argumentación qu’ellos lleven indicando dende fai venti años contra la llinia. Oposición, que según la Coordinadora, supúnxo-y toa clase de descalificaciones de los “correlixonarios asturianos”.
 
El secretariu d’UXT de Lleón, Arturo Fernández, dixo que nun había abondos motivos sobre la necesidá de la llinia y una mayor producción d’enerxía nel Estáu, al empar que defendió’l carbón como fonte de futuru. Del mesmu mou, el secretariu provincial de CCOO, Ignacio Fernández, insistió na inutilidá de la llinia y afitó que sían les zones nes que se necesita enerxía onde s’asitien los proyectos de producción como midida lóxica.