La TPA nun tien presupuestu pa una segunda canal
|
3 Avientu, 2009 por Damián Barreiro
- Inicie sesión o rexístrese pa espublizar comentarios
El direutor de conteníos de TPA, Juan José Guerenabarrena, dixo que la televisión pública nun tien presupuestu pa un segundu canal. Asina lo dixo mientres la celebración de la xornada “Perspectives y retos de la industria audiovisual asturiana”, qu’empobinó en Llangréu l’Asociación d’Empreses de Producción Audiovisual d’Asturies.
Anguaño, la TPA tien dos canales asignaos nel so múltiplex de TDT. Sicasí, TPA2 emite la mesma programación que la ún con una hora de retrasu. Según les pallabres del direutor de conteníos de la televisión pública paez que la emisión va siguir asina muncho tiempu.
Nes televisiones públiques europees ye vezu que la segunda canal tea dedicada a programación cultural y tresmisiones destinaes a un públicu minoritariu. Nesta emisora ye onde sería más probable que la cultura y la llingua asturiana, si nun ye na so totalidá, tuviera una presencia importante dientro de la programación.
Efrén d'Andrés
Lo + visto de la selmana
Comentarios
Nun tienen perres pa poner a furrular una segunda canal (onde se supón diba tener sitiu la llingua asturiana) pero sí apaecen pa mercar los derechos de la liga de campeones y contratar presentadores y programación que nada tienen que ver con Asturies.
Pin tamien diva tener un sitiu afayadizu na primera canal y la radio, y ye perpequeñu, dixeron cuando entamo a funcionar la tlevision que el so simbolo podia convertise nuna E cuando s´emitiere n´asturianu ¿Vistelo? Y nun fai falta echar a furrular una segunda canal pa emitir en llingua asturiana, nun hai voluntá, si la hubiere cola primera podria habese fecho muncho, documentales de tou tipu que reflexen la cultura asturiana, curtometraxes fechos por productores d´equí, deportes del país y foriatos, programes encamentaos a neños y mozos, informativos, pelicules, un centru de produción de programes pa la zona Navia-Eo tanto en radio como en televisión, implicación de les televisones llocales y radios municipales, poques ya lo se na produción de noticies y reportaxes sobre la realida del país reflexando nos informativos centrales les variantes de la llingua, col tiempu series de produción propia, pero non ye meyor gastar perres en Doctor Mateo con actores ayenos pa que tenga audiencia Antena3, y pa la TPA telenoveles y series de Chu Norris onde aparez el mocin guardando la lleí y el orden, volunta ye lo que fai falta, y tienla por desgracia, pa dexar morrer la llingua.
¡D'au sacais que'l segundu canal diba ser n'asturianu!, ¡hai que ser inocente!, tovia m'alcuerdu de los reportaxes que fizo un conocíu semanariu en llingua asturiana enantes de qu'echara a andar la TPA onde s'aldericaba sobre si la TPA seguiría'l modelo de la ETB, la TVG, la RTE o la SC4, al final el modelu foi el de Telemadrid. Nun vos lleveis a engañu, el segundu canal dedicariase a deportes y programación infantil, en "epañó" por supuesto, y más con Javi y la UPyD a piques d'empeorar más les coses. La única forma de que la programación n'asturianu espoxigue ye movilizándose, ¡o ye que nun vos alcordais de como s'algamaron los cuatro programes que tenemos anguañu dempués d'aquel día d'Asturies memorable en Nava!.