Ecoloxistes d'Avilés denuncien irregularidaes na cantera de L'Atalaya y piden que se paralice

El Colectivu Ecoloxista d'Avilés (CEA) solicitó güei que se detenga de manera preventiva l'actividá de la cantera avilesina de l'Atalaya, "ante los númberosos incumplimientos repetíos d'esta esplotación", y que se-yos informe del desarrollu del so espediente.

Nuna nota prensa, asegura que l'ampliación autorizóse mediante  una resolución publicada nel BOPA en xunetu, "sin atender pa les alegaciones que presentó'l colectivu". Ente otros aspeutos, el CEA critica que nun se caltuvo'l perímetru de cinco metros hacia l'interior del güecu de la esplotación pa crear una pantalla vexetal que reduxere los impautos visuales y paisaxísticos.

De la mesma manera, según el colectivu, los cordones nos que s'almacenará la tierra vexetal superarán el metru y mediu d'altura, lo que xenera la so compactación, asina como la so erosión hídrica y eólica. Amás, caltienen que nun existen cunetes de guarda na cabeza de los taludes pa recoyer l'agua arramada.