Xega reseña la educación afeutivosexual como métodu pa lluchar contra’l Sida

|

Xega, coleutivu LGTB d’Asturies, vien d’encamentar a los partíos, instituciones, alministraciones y sociedá en xeneral, responsabilidá y compromisu pa facer realidá l’accesu a una educación afeutivosexual integral, sobre too ente los más mozos. La organización aprovechó’l Día Mundial de Llucha contra’l Sida pa reseñar la importancia de la educación p’amenorgar el númberu de nuevos infectaos.

Xega esclaria que pa lluchar contra’l “desafíu sanitariu y social que compromete la vida de munches persones” ye necesariu facilitar los recursos y habilidaes pa que la sociedá tenga una bona educación sexual. Amás de pa prevenir cualesquier ITS, reseñen, esta educación tien que valir pa integrar a les diverses orientaciones sexuales y de xéneru.
 
La organización de gais, lesbianes, transexuales y bisexuales, recuerda qu’a lo llargo d’esti añu desendolco una perimportante llabor nesti sen, repartiendo 35.000 condones, más de 16.000 monodosis de llubricante y más de 36.000 exemplares de material informativu, onde rescamplen les campañes orientaes a subgrupos sociales.

Contador Estadistiques