Bloque por Asturies llama a los estudiantes universitarios a movilizase escontra'l Plan Bolonia

El Bloque por Asturies fizo güei un llamáu a los estudiantes universitarios asturianos pa que se movilicen escontra la reforma d'enseñances superiores na que trabaya la Unión Europea, y que ye conocida como procesu Bolonia.

En declaraciones a Europa Press, el voceru nacional del Bloque, Pablo Fernández, animó a los estudiantes a "defender la Universidá pública y protexela d'intereses ayenos a la mesma". Dende'l so puntu de vista, la reforma europea pretende "mercantilizar el saber y subordinar la universidá a los intereses del mercáu, que nun son otros que la mano d'obra barata y cualificada".

Cree un error que los criterios de la Formación Profesional s'apliquen a la Universidá, una institución que, dende'l so puntu de vista, "debe tar al serviciu de la sociedá, con criterios humanistes y democráticos, y non al d'intereses de les empreses".