Anuncien movilizaciones en Galicia pola situación de la llingua nel sistema educativu

Los sindicatos y asociaciones educatives inxeríes dientro de la plataforma Queremos Galego, vienen d’anunciar que namás que’l Gobiernu de la Xunta de Galicia, en manos del PP, derogue’l decretu del gallegu aprobáu na llexislatura anterior, convocarán una fuelga en toles etapes educatives y nel enseñu universitariu.

Los miembros de Queremos galego sospechen que’l gobiernu de Feijóo cumplirá la so promesa de reformar la situación del idioma na educación en Navidá, pa qu’alumnos y profesores nun puean desendolcar protestes.
 
Les asociaciones cuenten que ye probable que’l PP recorte la presencia del gallegu hasta’l 30%, la mesma proporción que la norma anterior al bipartitu. Tamién dixeron que va ser la primer vez qu’un gobiernu gallegu dea un pasu atrás na normalización del so idioma.
 
L’actual decretu, aprobáu na llexislatura anterior, establez un mínimu del 50% d’asignatures en gallegu. Porcentaxe qu’anguaño nun cumple’l nuevu gobiernu conservador a la espera d’aprobar ún nuevu, según denunciaron les asociaciones denunciantes.