El PSOE dialogará sobre les llingües d'Aragón, pero quier caltener la denomación d'aragonés y catalán

El voceru de Cultura del Grupu Socialista de les Cortes d'Aragón, Carlos Álvarez, tamién coordinador de la Ponencia parlamentaria a la Llei de Llingües, afirmó guei que los socialistes tán dispuestos a "dialogar sobre too, prácticamente", pero remarcó que'l PSOE defende la denomación del aragonés y catalán como tales.

En declaraciones a los medios de comunicación, tres el conceyu de la ponencia parlamentaria dedicada a la Llei de Llingües, Carlos Álvarez recordó que'l testu de la proposición de llei que presentó'l Grupu Socialista "fala d'aragonés y catalán" y proclamó la "fidelidá" del Grupu Socialista al "espíritu" d'esta iniciativa llexislativa, que pretende regular "un tema trescendental".

Carlos Álvarez recordó que la denomación representa "un problema" pal partíu Popular y el Partíu Aragonés (PAR), que refuguen la terminoloxía filolóxica. Álvarez confió en que la proposición de llei tea aprobada nel presente periodu de sesiones, lo qu'obligaba a tramitar la iniciativa nel plenu de la tercer selmana del próximu mes d'avientu.
 
Nel conceyu de güei, los Grupos negociaron 57 enmiendes parciales, nuna sesión na que "tol mundu va calteniendo les sos posiciones inicales". La ponencia volverá aconceyase mañana y pasáu, martes y miércoles.