El Gobiernu ofrez a Haidar continuar la so llucha pol autodetermín del Sahara dende España

El Gobiernu central ofreció a la pacifista saharaui Aminatou Haidar, en fuelga de fame nel aeropuertu de la isla de Lanzarote, continuar la so llucha pol autodetermín del Sahara dende España.

"El Gobiernu ta ofreciéndo-y continuar la so llucha dende España, pa que nun acabe en Lanzarote. Piensa que debe vivir pa lluchar, non lluchar pa morrer". Asina lo aseguró l'uviáu especial del Ministeriu d'Asuntos Esteriores a Lanzarote, Agustín Santos.

Santos, que forma parte d'una delegación del Ministeriu d'Asuntos Esteriores calcó en rueda prensa que nel alcuentru que caltuvo ayeri con Haidar ofreciéron-y tanto l'asilu políticu como un documentu de viaxe, lo que refugó l'activista.
  
De toes maneres, insistió en qu'anque l'Executivu central compriende la llucha de Haidar, "quier evitar una traxedia", d'ehí que punxere "enriba la mesa" tolo que pue ofrecer, anque afirmó que ta abiertu a estudiar otres opciones, pero "naide presentó una opción pa que la señora Haidar puea salir".