El rector, Vicente Gotor, nuevu patronu d'honor de la Fundación Caveda y Nava por "destorgar" la llingua na Universidá

El rector de la Universidá d'Uviéu, Vicente Gotor, será dende mañana nuevu patronu d'honor de la Fundación Caveda y Nava, títulu concedíu en reconocencia del so llabor pa "destorgar" la situación de la llingua asturiana en dellos ámbitos universitarios.

Asina lo explicó en declaraciones a Europa Press Ramón d'Andrés, ún de los responsables de la Fundación y miembru del Seminariu de Filoloxía Asturiana de la Universidá.

La Fundación tolos años dende'l 2003 noma ún o dos patronos d'honor, títulu honoríficu que trata de reconocer el llabor o la sensibilidá en favor de la llingua asturiana de la persona en cuestión. Nesti casu, segun d'Andrés, la Fundación quier destacar que'l rector "tomó postura favorable al asturianu", porque la so actitú "foi determinante" pa la creación de les especialidaes de llingua asturiana en Maxisteriu y en Filoloxía. También señaló l'aprobación del nuevu reglamentu sobre l'usu del asturianu na Universidá, asina como la creación d'una comisión d'estuidu de los avances de la llingua na institución académica.
  
Según d'Andrés, estos llogros "nun son determinantes, pero nun tienen precedentes", y consideró que'l comportamientu del rector nesti tema foi la de "desprexuiciar".
  
Asina, la Fundación nomará mañana al rector nuevu patronu d'Honor nun actu que tendrá llugar na sede de la Fundación Cardín en Villaviciosa, de magar les 12.00 hores. Intervendrán nel mesmu la directora xeneral de Política Llingüística, Consuelo Vega, y el miembru de la Fundación y conceyal de Cultura nel Ayuntamientu d'Uviéu, José Suárez Arias Cachero.
  
Collaboren con esti eventu la Conseyería de Cultura y Turismu d'Asturies y el Conceyu de Villavicios