IU de Castiella La Mancha y d'Asturies comprométense a Trabayar pa que la sede de CCM quede en Cuenca

El coordinador d'Izquierda Xunida (IU) de Castiella La Mancha, Daniel Martínez, anunció güei que les federaciones polítiques d'Asturies y de Castiella La Mancha, algamaron un acuerdu pa que la sede del bancu Liberta, nel que s'integrarán Caja Castilla La Mancha (CCM) y Caxastur, tean en Cuenca, y poro calténgase l'actual sede social de la caxa castellano-manchega.

En rueda de prensa, Martínez esplicó que cuenten col compromisu del representante d'IU nel conseyu d'alministración de la caxa asturiana.

   "Esti compromisu de futuru y de trabayu nel Banco Liberta pasa per dellos puntos fundamentales: el primeru, que la sede del Banco Liberta debe permanecer en Cuenca. Dende IU d'Asturies y de Castiella La Mancha defenderemos esta posibilidá que güei paez ser que nun ta en duda, pero nun mos fiamos", recalcó.
  
"El segundu gran compromisu que caltenemos dende la nuesa pequeña presencia nel conseyu de Caxastur ye'l caltenimientu del emplegu de CCM, anque sabemos que tol emplegu nun va poder caltenese", apuntó.
  
Martínez aseguró que tresmitió a los sos compañeros n'Asturies que'l posible treslláu de la sede de Liberta "diba suponer el refugu absolutu hacia'l trabayu de la nueva entidá bancaria, refugu absolutu en toda Castiella La Mancha, non sólo en Cuenca".
  
Asina, calcó, n'Asturies lo que quieren ye que'l Bancu Liberta funcione bien y saben que si se tresllada "interpretaríase como una clara agresión".
  
Martínez criticó amás que la operación prevista ente Caxastur y CCM incumple la Llei de Caxes de Castiella la Mancha, dao que la normativa impide que la caxa dependa d'otra persona física o xurídica. A lo último, arremetió contra la xestión del Gobiernu rexonal del que, dixo, foi "un convidáu de piedra" nes xestiones del Bancu d'España.