El PAR propón crear l'Academia de les Llingües Aragoneses y refuga la cooficialidá d'aragonés y catalán

El Partíu Aragonés (PAR) propón crear l'Academia de les Llingües Aragoneses y refuga dafechu la cooficialidá del aragonés y el catalán. El PAR nes Cortes d'Aragón rexistró 48 enmiendes parciales a la proposición de Llei de Llingües del PSOE, según indicó esta mañana en rueda prensa'l voceru del grupu, Javier Allué.

Allué apostó por algamar "el máximu consensu posible" sobre la proposición de llei y opinó que la regulación de les lingües minoritaries "debería unimos más que dividir". El PAR presentó 48 enmiendes "mui acordies cola realidá lligüística aragonesa", dixo'l diputáu.
  
María Herrero mostró la so voluntá de regular les llingües minoritaries y comentó que'l PAR pretende "matizar" la denomación de les llingües, n'especial el catalán d'Aragón, pal que los rexonalistes proponen, o bien nun denomales o bien falar d'ella como "llingua aragonesa", nel casu del aragonés y "aragonés oriental" nel casu del catalán. Herrero recomendó usar criterios filolóxicos pero tamién recurrir a "otru tipu de ciencies", como la Historia o la Psicoloxía.
  
María Herrero dixo que n'Aragón hai "variedaes llocales que se caltuvieron a lo llargo de los sieglos", y ye preciso preservales, polo que propunxo que seyan los conceyos los que fixen la denomación de la so fala llocal y sobre'l determín de les zones d'usu, recomendó que los conceyos seyan decisivos. El PAR propón la creación de la Academia de les Llingües Aragoneses, como autoridá llingüística de les "llingües y modalidaes d'Aragón".
  
Herrero refugó dafecu cualesqueir posibilidá d'establecer la cooficialidá del aragonés y el catalán, anque precisó que nes zones d'usu predominante los ciudadnaos puean usales ente les Alministraciones, siempre que seya per escrito, si lo autoriza l'Alministración interesada.
  
El PAR propón, de la mesma manera, que la ufierta académica d'aragonés y catalán se faiga de manera obligatoria, pero que'l deprendimientu seya voluntariu, anque'l PAR nun apoya, en nengún casu, l'aragonés, el catalán y les fales dialectales s'usen como llingües vehiculares na impartición de les asignatures.