Hamas pue lliberar al soldáu Gilad Shalit el próximu vienres

El militar israelí Gilad Shalit, garráu por milicianos palestinos en xunu del 2006, pue quedar en llibertá'l próximu miércoles a cambiu de 450 palestinos presos n'Israel, que se tresferiríen a Cixordania y la Franxa de Gaza, según revelaron fontes del Movimientu de Resistencia Islámica (Hamas), citaes pola televisión panárabe Al Arabiya.

La lliberación tendría llugar nel primer día de la festividá musulmana del Eid al-Adha, ye dicir, el próximu vienres y materialízase cola entrega de Shalit a les autoridaes exipcies.
  
Según la información espardida por Al Arabiya, los dirixentes de Hamas nel exiliu de Damasco entrevistaríense colos cabezaleros del grupu islamista na Franxa de Gaza esti llunes pa tratar la última ufierta plantegada por Israel.
  
Fontes de la Franxa de Gaza indicaron en declaraciones al diariu israelí 'Yedioth Aharonoth', que se llogró "un avance significativu" nos últimos díes y que les últimes torgues --la lliberación d'integrantes del brazu armáu de Hamas-- podríen tar superao pal primer día d'Ei al-Adha. Sicasí, si too marcha según lo previsto, podía realizase un anunciu antes primero d'esa fecha.
  
Ente los prisioneros que diba lliberase, diba haber palestinos con dellos delitos de sangre, polo qu'hasta primero de que'l Gobiernu apruebe definitivamente la llista podíen presentase recursos contra la midida del Tribunal Supremu israelí.