L'Asociación Foru pola Memoria entama a trabayar nel fueyu común de Cabal.leros en Felechosa

|

 L'Asociación Foru pola Memoria entamará mañana "la execución del fueyu común" de Cabal.leros próximu a la población ayerana de Felechosa, na que se pretenden "alcontrar, identificar y desenterar los restos de parte de les persones desapaecíes naquella zona de magar 1937".
  
Según el comunicáu unviáu por esta organización, hasta la población ayerana treslladaráse un equipu multidisciplinar de técnicos compuestu por doce persones, ente elles documentalistes, abogaos, arqueólogos, antropólogos y técnicos d'imaxe, col oxetivu de promover la busca de "víctimes de la represión" que, según testimonios de familiares, "morrieron asesinaes y enterraes illegalmente nesti y otros fueyos comunes existentes nel entornu".
 
Esta actuación cuenta col apoyu de l'Asociación de Recuperación de la Memoria d'Ayer y llega precedida d'unos llabores previos entamaos el pasáu mes de xunetu. De momentu, na zona yá s'entamaron a trabayar y a llendar l'área onde se desarrollarán los llabores d'escavación y busca nos próximos díes. De fechu, ta previsto instalar esta mesma tarde unes carpes pa evitar que la posible lluvia complique los llabores de los profesionales.
  
La hipótesis na que trabaya'l Foru pola Memoria básase en testimonios de la época qu'esplique que de magar payares de 1937 los represaliaos treslladábenlos en camiones en direición al puertu de San Isidro y executaos pel camín.
  
Dellos de los testigos aseguren que vieron y sintieron fusilamientos al altor del paraxe denomáu Cabal.leros, onde de magar mañana entamarán los trabayos de busca, identificación y desentierru de los restos. Ta previsto que'l próximu domingu'l Foru pola Memoria faiga un balance de les primeres xornaes de trabayu en Cabal.leros.
 

Contador Estadistiques