El Gobiernu asturianu entama'l "II Día de les Ciencies Asturianes"
|
8 Payares, 2009 por Pablo R. Alonso
- Inicie sesión o rexístrese pa espublizar comentarios
La Conseyería de Cultura, en collaboración cola Facultá de Bioloxía de la Universidá d'Uviéu, va entamar esti martes 10 de payares el "II Día de les Ciencies Asturianes". Dos van ser les actividaes programaes pa esti día. Darréu de la inauguración a les 12:00, va presentase'l llibru "Homo Sapiens: la epopeya d'un llinaxe", obra de Xosé María Fernández que resultó ganadora en 2008 del premiu d'ensayu Fuertes Acevedo. Nesti actu, xunto al autor, que ye miembru del Institutu Européu de Bioinformática, va tar Xosé Ánxelu Gutiérrez Morán, del Institutu Español d'Oceanografía.
A les 12:30 va ser la segunda de les actividaes, una conferencia del propiu Xosé María Fernández titulada "¿Ónde tamos dempués de venti años col xenoma humano?". Al conferenciante va presentalu Xosé Antón Suárez Puente, del Departamentu de Bioquímica y Bioloxía Molecular de la Universidá d'Uviéu. Dambes actividaes van desarrollase nel Salón de Graos de la Facultá de Bioloxía de la Universidá d'Uviéu.
Efrén d'Andrés
Comentarios
Por fin, l'asturianu saliendo del ámbetu de la novela y la poesía.
Yá hai coses feches na nuesa llingua de calidá, pero ye una disciplina onde hai que trabayar muncho. Y dende estes páxines pido a les persones de ciencies que puxen más pola nuesa llingua, que nun ye sólo tema de lletres.