El grupu de rock lapón Somby foi’l vencendor del Festival de Llingües Minoritaries Liet International celebráu na ciudá frisia de Leeuwarden. Una edición na qu’Asturies tuvo representada pol cantautor turonés Alfredo González, que foi’l primeru n’actuar nel Teatru De Harmonie col so cantar “La nada y tu”, quedándose nel novenu puestu con 40 puntos. Los sardos Dr. Drer en Crc Posse recibieron el Premiu del Públicu del festival, escoyíu al traviés de les votaciones de los internautas y los espectadores que s’atopaben nel Teatru De Harmoniu viendo en direutu’l festival.
 
La banda ganadora, Somby, ye un grupu de rock en lapón formáu por trés moces y dos mozos qu’espublizaron el so primer discu en 2008. Mientres que los sardos Dr. Drer en Crc Posse, ganadores del Premiu del Públicu, son una banda de hip hop y ragamuffin perconocíos na so islla. Amás, el so cantante, Dr Drer, sinónimu de Michele Atzori, ye un activista políticu pola independencia de Cerdeña. Lisardo Lombardía, direutor artísticu del Festival de Loriant, foi l’encargáu de representar a Asturies nes votaciones, otorgando 12 puntos a los sardos y 10 a Somby. La prósima edición del Liet International va celebrase na ciudá escocesa d’Aberdeen.