Les Xornaes Internacionales d'Estudiu de l'ALLA entamen el próximu 3 de payares

Les XXVIII Xornaes Internacionales d'Estudiu de l'Academia de la Llingua Asturiana entamen esti próximu martes 3 de payares na Facultá de Filoloxía de la Universidá d'Uviéu hasta'l xueves 5. Estes xornaes, yá clásiques, pretenden afondar nel conocimientu d'aspectos llingüísticos, sociollingüísticos y lliterarios del dominiu llingüísticu asturianu, y pa ello cuenta con espertos d'Asturies y internacionales.

Toles ponencies, alderiques y comunicaciones van desarrollase a partir de les 16:30 de la tarde nel Salón d'Actos de la Facultá de Filoloxía. Les persones interesaes en matriculase nestes Xornaes d'Estudiu pueden dirixise a l'Academia de la Llingua Asturiana na cai Marqués de Santa Cruz, 6, 2º, 33080 d'Uviéu, al teléfonu 985211837 o nel email alla@academiadelallingua.com

El programa completu pueden consultase nesti enllaz (pdf).