Manifestación nel centru d'Uviéu contra la monarquía

|

Un centenar de persones contraries a la monarquía y a la ceremonia de los premios Príncipe d'Asturies manifestáronse ayeri de tarde peles cais d'Uviéu, convocaos pola plataforma República Asturiana, baxo la conseña 'Príncipes d'Asturies, ¿quién lo decidió?'.
 
Los manifestantes diéronse cita na Estación de Renfe d'Uviéu, y percorrieron la cai Uría enseñando pancartes con mensaxes contrarios a la monarquía y cantando lemes a favor d'una 'República Asturiana', y contra la presencia de representantes de la Corona n'Asturies.
 
La movilización acabó na cai Fruela, ante la Xunta Xeneral del Principáu, cola llectura d'un comunicáu.

Comentarios

Con esos numberos vamos apañaos...

Entamase por algo.

Si nesi movimientu hai xente nacionaliego -que camiento que sí- eso ye perder el tiempu y les fuerces. Ye de sentíu común que cuanto más abarques menos apiertes. Y nel nacionalismu astur esto ye un axioma. Hai que facer manifestaciones escontra tolo que nun mos gusta, magar que vayan 100 persones. HAI QUE CENTRASE Y DEXASE DE CAXIGALINES!.
Primero un xuntanza, depués representación institucional, depués ser llave de gobiernu, depués remanar la política d'Asturies. Y ehí fais lo que quies. Con manifestacionuques nun se va a llau dalu.

Contador Estadistiques