Los presupuestos del Estáu salven el so primer trámite nel Congresu col apoyu de PNV y CC
|
21 Ochobre, 2009 por E.P. / Redacción
- Inicie sesión o rexístrese pa espublizar comentarios
El PSOE, apoyáu pol PNV y Coalición Canaria, derrotó esti miércoles nel Congresu les enmiendes de totalidá que'l PP, CiU y UPyD, ERC-IU-ICV y el BNG presentaren contra'l proyectu de Presupuestos Xenerales del Estáu pal 2010.
Na votación celebrada nel Plenu del Congresu, les enmiendes que pidíen la devolución del proyectu al Gobiernu apoyáronles 168 diputaos de PP, CiU, ERC, IU-ICV-BNG y Nafarroa Bai, pero nun salieron alantre. al derrotales una mayoría formada por PSOE, PNV y CC (177 votos). El diputáu d'UPN, Carlos Salvador, optó por astenese.
Superáu l'alderique de totalidá, los grupos parlamentarios deberán presentar enantes del mediudía del vienres les sos enmiendes parciales al articuláu. El testu del Gobiernu y les propuestes de modificación discutiránse primero en ponencia y, la primer selmana de payares pasarán a la Comisión de Preuspuestos, onde volverá haber votaciones. Nesa fase, el PSOE necesitaráse afianzar l'apoyu del PNV y asegurar l'astención de dalguna minoría pa evitar derrotes.
El proyectu volverá al Plenu del Congresu la selmana del 10 al 12 de payares y d'ehí remitiráse al Senáu.
Efrén d'Andrés
Lo + visto de la selmana
Comentarios
El psoe vota nel País Vascu col pp pa echar al pnv: cuestión de país.
El psoe vota en Madrid col pnv pa echar al pp: cuestión d'ideoloxía y poder.
N'Asturies los nacionaliegos engárrense pol sexu los ánxeles y siguen sin representación institucional: cuestión de mazcatos.
Ten cuidao con criticar, a ver si te van llamar otru montón de galanures como les que nos acaben de dedicar na noticia d'abaxo...
Va! Sabes bien qu'eso nun importa Xanu. Pa dos veces que l'asturianismu llega al poder siempre pasa dalgo. Primero: Xuan Xosé traiciona a la CA y va a piques. Segundo: Rafa Palacios ta esmolecíu por tolos problemes del mundu menos los del so país Asturies.
Mientres, psoe y pp arrequexándomos cada vez más y aisllándomos nuna sociedá castellanofalante. Y el nacionalismu astur con estos pelos.