Concentración n'apoyu a Cándido y Morala

La Plataforma contra la Represión y poles Llibertaes va concentrase'l miércoles dia 21 d'ochobre a les 19.30 hores, na Plaza del Ayuntamientu de Xixón n'apoyu a los sindicalistes Cándido y Morala, según informó la plataforma nuna nota prensa.
 
Los manifestantes señalaron que "anque l'Ayuntamientu de Xixón, al traviés d'un miembru de la Federación Socialista Asturiana, depositó na cuenta del Xulgáu la cantidá de 5.624,83 euros reclamada a Cándido y Morala, el casu sigue sin resolvese y too depende agora de la decisión que puea adoptar el xuez Lino Rubio Mayo, cola multa de 2.163 euros y la suspensión de la condena".
 
La plataforma recordó que l'Ayuntamientu de Xixón "sigue siendo'l principal responsable, nesti procesu porque ye'l demandante perxudicáu" y poro, siguirá defendiendo la inocencia de Cándido y Morala, y exixendo a toles partes implicaes, Ayuntamientu de Xixón, Delegación de Gobiernu y Conseyu de Ministros "el cese de la represión y l'indultu total y non parcial".