Manifestación en Santiago de Compostela en defensa del gallegu

|

El domingu 18 a les 12 hores saldrá una manifestación dende l’Alameda de Santiago de Compostela col eslogan”¡Queremos galego!”, organizada pola plataforma ciudadana del mesmu nome.

Esta plataforma ye una iniciativa formada por entidaes sociales de diversa tipoloxía y persones a títulu individual que ñaz cola voluntá de ser un espaciu común nel que  converxan les estremaes sensibilidaes y colectivos ciudadanos que defenden el gallegu.

Según citen los convocantes, esta ye la primera vegada en tola historia de l’autonomía que’l gobiernu gallegu nun defende’l gallegu y qu’encabeza l’ataque contra’l so usu en dellos ámbitos. Como exemplu citen la derrogación del decretu del 50% d’enseñanza en gallegu, la supresión de les ayudes a la traducción de llibros y la contrarreforma de la Llei de la Función Pública pa que’l gallegu nun seya igual de necesariu que’l castellanu p’algamar a un puestu de trabayu na alministración gallega. La Plataforma QUEREMOS GALEGO pretende qu’esta seya la mayor manifestación en defensa del idioma gallegu na historia de Galicia. 

 Más información

Comentarios

Ya me prestaría a min que'l gobiernu asturianu de PSOE-IU "atacara" a la llingua asturiana igual que lo fai el gallegu col so idioma, por favor que nun nos vengan a falar a los asturianos d'ataques al idioma.
Por cierto, ¿ye esta información más relevante que l'escándalu de la Pardopedia?, dígolo porque equí nun apareció nin la más pequeña información y nun se puede decir que sea algo irrelevante cuando salió hasta nel ABC.

Contador Estadistiques